Atvinnuleitandi

Viltu vinna erlendis?
Það er margt sem þú þarft að athuga ef þú vilt vinna í öðru EES-landi. Hvað þarf að gera áður en lagt er að af stað. Hvaða reglur gilda í nýju landi. Hvaða störf koma helst til greina?

Það getur borgað sig að byrja á að skoða vefgátt EURES en þar má finna störf auglýst af EURES (opinberum vinnumiðlunum EES-landanna) Best er að byrja á að setja inn starfsgrein (velja frá lista) og land (undir location). Á þessari síðu er verið að auglýsa eftir fólki frá Evrópska efnahagssvæðinu - t.d. fólki í þau störf sem ekki tekst að manna í viðkomandi landi. Einnig má finna upplýsingar um ástand á vinnumörkuðum landanna og upplýsingar um lífs- og vinnuskilyrði. Á síðunni má líka finna hafa uppi á Euresráðgjafa (Eures adviser). Það getur nefnilega komið sér afar vel að hafa samband við einn slíkan áður en haldið er utan.

---

Vinnumarkaður
Það er nauðsynlegt að meta líkurnar á að finna starf við hæfi í viðkomandi land.. Meðal atvinnuleysi á svæðinu er á bilinu 9-10% og fer hækkandi víðast hvar. Engu að síður vantar starfsfólk í ákveðnar atvinnugreinar í flestum löndum svæðisins. Mikil samkeppni er þ.a.l. um laus störf og að minnsta kosti jafnmiklar kröfur gerðar til umsækjenda og tíðkast hér á landi.
Tækifærin eru mörg, en það er skynsamlegt að setja sér raunhæf markmið.
Hvers konar starf viltu finna, í hvaða landi, til hve langs tíma? Hvað er sérstakt við þína starfsreynslu, hvað hefur þú fram yfir aðra umsækjendur, hvað getur aukið starfsframa þinn? Leit að starfi á Evrópska efnahagssvæðinu tekur oftast mið af starfsmenntun og reynslu og tungumálakunnáttu. Það eru mestar líkur á því að fá störf á þeim grundvelli. Margir taka einnig mið af menningu, loftslagi og lífskjörum þegar þeir standa frammi fyrir því að velja á milli landa.

---

Viðurkenning á námi
Þeir sem vilja starfa í öðrum EES-ríkjum geta almennt fengið próf og starfsréttindi viðurkennd eða metin. Sérstakar reglur og tilskipanir gilda um löggiltar iðngreinar og aðrar lögverndaðar greinar sem krefjast sérstakra prófa. Í fyrsta lagi eru almennar reglur um viðurkenningu á starfsmenntun sem tekur 3 ár eða lengur á háskólastigi. Í öðru lagi reglur um starfsmenntun sem tekur skemmri tíma en 3 ár. Í þriðja lagi eru sérstakar reglur um margvísleg störf m.a. heilbrigðisstéttir, arkitekta og lögmenn. Í fjórða lagi eru reglur um afmörkuð starfssvið í iðnaði, verslun og viðskiptum. EES-Vinnumiðlun veitir almennar upplýsingar um samanburð á starfsmenntun á Íslandi og í EES-ríkjunum.

Starfsreynslan þarf að vera skjalfest og þýdd til þess að atvinnurekendur erlendis taki hana alvarlega. Sama gildir um starfsmenntun, er hún viðurkennd í landinu? Skírteini og vottorð þarf að þýða. Vefsíða á vegum Menntamálaráðuneytisins veitir upplýsingar um starfsréttindi og yfirfærslu þeirra milli EES-landa. Sjá nánar á menntagatt.is

Europass er stöðluð menntunar- og starfshæfnimappa sem auðveldar gegnsæi menntunar og starfsreynslu, bæði heima og að heiman. Europass er einnig ætlað að auðvelda samhæfingu prófskírteina og viðurkenninga og þar með auðvelda samanburð menntunar og reynslu yfir landamæri í Evrópu. Sjá nánar á heimasíðu Europass á Íslandi

---

---