Um Eures
EURES (EURopean Employment Services) er samstarf um vinnumiðlun milli ríkja á Evrópska Efnahagssvæðinu (EES). EES-löndin má sjá hér. Átta hundruð Euresráðgjafar mynda samskiptanet í öllum ríkjum EES. EURES netið er á vegum framkvæmdastjórnar Evrópusambandsins en með EES-samningnum hafa Íslendingar aðgang að þessum stóra vinnumarkaði. Markmiðið er að auðvelda vinnandi fólki að flytjast milli EES-landa. Euresráðgjafar miðla upplýsingum um atvinnutækifæri og atvinnuleitendur svo hægt sé að leysa staðbundna manneklu og atvinnuleysi á ýmsum sviðum með flutningum milli svæða. Meginþættir EURES eru að:
-
Leiðbeina fólki í atvinnuleit erlendis
-
Veita upplýsingar um búsetu- og starfsskilyrði
-
Aðstoða vinnuveitendur sem hafa áhuga á að ráða til sín fólk frá öðrum EES-löndum
EURESráðgjafar hafa allir fengið sömu grunnþjálfun og hafa sérfræðiþekkingu í atvinnumálum innan EES. Eures ráðgjafarnir veita m.a. upplýsingar um eftirfarandi:
- Atvinnutækifæri í EES-löndum
- Almannatryggingar og heilsugæslu
- Skattamál
- Menntamál
- Starfsþjálfunartækifæri
- Samanburð á starfsréttindum
- Framfærslu og húsnæðiskostnað
- Hagnýt heimilisföng vegna sérþarfa
EURES á Íslandi er rekin á vegum Vinnumálastofnunar
Ath. Myndirnar á síðunni eru fengnar frá © European Communities
Fréttir og tilkynningar
2. Janúar 2012
Kynning á tækifærum og styrkjum í Evrópusamstarfi
Kynning á tækifærum og styrkjum í evrópsku og norrænu samstarfi verður haldin á Háskólatorgi fimmtudaginn 12. janúar 2010 kl. 15-17.30. Þar gefst færi á að hitta fulltrúa evrópskra samstarfsáætlana og þjónustuskrifstofa á Íslandi og kynna sér möguleika á styrkjum og samstarfi á öllum sviðum menntamála, rannsókna, vísinda, nýsköpunar, menningar og atvinnulífs. Einnig verða kynntar nokkrar norrænar áætlanir.
7. Október 2011
Starfakynning í Ráðhúsi Reykjavíkur 14. og 15. október
Vinnumálastofnun og EURES standa fyrir starfakynningu í Ráðhúsi Reykjavíkur föstudaginn 14. október kl. 17:00 – 20:00 og laugardaginn 15. október kl. 12:00 – 18:00. Á kynningunni verða kynnt laus störf og veittar upplýsingar um starfs- og búsetuskilyrði víða í Evrópu. Einnig gefst fólki færi á að ræða beint og milliliðalaust við evrópska atvinnurekendur.
Athyglinni beint að
EURES aðstoðar þýska atvinnuleitendur við að finna ný tækifæri úti á landsbyggðinni í Sviss
EURES í Eistlandi – að mynda samstarf til að vernda réttindi atvinnuleitenda
Hvernig tungumálanám getur leitt til nýrra tækifæra
Leit
Samskipti
EURES | Kringlunni 1 | 103 Reykjavík | Sími: 554 7600 | Fax: 554 7601 | Netfang: eures@vmst.is
